ЭРДЭНЭБҮРЭНГИЙН УЦС-ЫН ТӨСӨЛ1. Эрд

ЭРДЭНЭБҮРЭНГИЙН УЦС-ЫН ТӨСӨЛ

1. Эрдэнэбүрэнгийн УЦС-ын төслийг хэрэгжүүлэх үндэслэл
Баруун бүсийн 3 аймагт 264,000, 5 аймагт 390,000 хүн оршин суудаг бөгөөд баруун бүсийн эрчим хүчний систем нь эрчим хүчний хэрэглээнийхээ 78%-ийг ОХУ, БНХАУ-аас импортоор хангаж байна. Импортын эрчим хүч нь дотоодод үйлдвэрлэж буй /Дөргөний УЦС/ эрчим хүчнээс 5-6 дахин үнэтэй байна. Баруун бүсийн эрчим хүчний татааст улсаас жил бүр 6-8 тэрбум төгрөг төлж байна. Баруун бүсийн эрчим хүчний системийн нэгдсэн сүлжээний нийт хэрэглээний өсөлт 2008-2014 онд дунджаар 8-11% байна. Баруун бүс нь дотогшоо урсгалтай усны арвин их нөөцтэй. Баруун бүс нь ойрын жилүүдэд хөрөнгө оруулалт хийж ашиглахаар төлөвлөж байгаа Асгатын мөнгө, Хөшөөтын коксжих нүүрс, Их нууруудын хотгорын нефть, Халзан бүргэдтэйн ховор металлын зэрэг уул уурхайн томоохон ордуудтай, цементийн, гангийн, нефть, мах, арьс шир боловсруулах үйлдвэрүүд байгуулагдахаар төлөвлөж байна.

2. Төслийн зорилго
 Баруун бүсийн эрчим хүчний системийн өсөн нэмэгдэж байгаа хэрэгцээг найдвартай эх үүсвэрээр хангах
 Импортын өндөр үнэтэй цахилгаан эрчим хүчийг дотоодын хямд эрчим хүчээр орлуулах
 Баруун бүсийн эрчим хүчний системийн горимын тохируулгын үүрэг гүйцэтгэх олон талын ач холбогдол бүхий 64 МВт-ын хүчин чадалтай усан цахилгаан станцыг бариж байгуулан ашиглалтанд оруулах.

3. 2008 оны судалгаанд үндэслэсэн Эрдэнэбүрэнгийн УЦС-ын үндсэн өгөгдлүүд

ҮЗҮҮЛЭЛТ ДҮН
Нийт хөрөнгө оруулалт 268 сая ам.доллар
Нэгж кВт-д ногдох хөрөнгө оруулалт 4187,5 ам.доллар
Нийт суурилагдах хүчин чадал 64 МВт
Жилд үйлдвэрлэх эрчим хүч 230 сая кВт.ц
Бүтээн байгуулалтын ажил үргэлжлэх хугацаа 3 жил
Сүлжээнд нийлүүлэх 1 Кв эрчим хүчний үнэ Ойролцоогоор 6-9 цент
Жилд бууруулах хүлэмжийн хийн хэмжээ 1,3 сая тонн